TAGBILARAN CITY, Bohol, Dec. 14 (PIA) -- Gipahinumdoman sa Department of Health (DOH) ang publiko kalabot sa kamahinungdanon sa pagpabakuna og booster shots.

Matud pa sa gipagawas nga advisory sa DOH, mas kinahanglan karon ang booster shot, ilabi na nga gipaabot ang mas daghang face-to-face exposure sa trabaho ug sa mga social gatherings.

Giingong may hulga usab sa mga bag-ong COVID-19 variants.

Mao nga gitumbok sa DOH nga angay magpabakuna ang publiko sa ilang mga booster shot sa higayong mahimo na silang bakunahan o unom ka buwan human ang ilang second dose partikular sa mga natupokan og AstraZenica, Moderna, Pfizer, Sinovac, ug Sputnik vaccines, samtang tulo  ka buwan usab alang sa mga nabakunahan og Janssen.

Gidugang pa sa DOH nga ang AstraZenica, Moderna, Pfizer, ug Sinovac mga luwas nga gamitong bakuna isip booster.

Giingong kinahanglan lang nga makig-alayon sa ilang lokal nga kagamhanan aron makapa-book og bakuna. (ECB/PIA7 Bohol)