TAGBILARAN CITY, Bohol, March 16 (PIA) -- Opisyal nang gi-deklara sa Philippine Atmospheric, Geophysical and Astronomical Services Administration (PAGASA) ang pagsugod sa dry season o panahon sa ting-init sa nasod.

Matud pa sa weather bureau, nahuman na ang panahon sa amihan o northeast monsoon mao nga mapaabot na ang mas init nga panahon sa mga mosunod nga adlaw.

Gilauman nga molanat ang panahon sa ting-init sa tung-tunga sa tuig 2022.
 Samtang ang mga pag-uwan sa nasod ma-impluwensyahan na sa easterlies o hanging naggikan sa Kadagatang Pasipiko ug mapaabot na usab ang mga localized thunderstorm.

Tambag sa PAGASA sa publiko, batasanong moinom og daghang tubig aron makalikay sa heat stress. (ECB/PIA7 Bohol)