TAGBILARAN CITY, Bohol, Feb. 3 (PIA) -- Ang Bangko Sentral ng Pilipinas (BSP) nipasidaan sa publiko batok sa pekeng P150 nga salaping papel nga giingong nikatap karon sa social media.

Ang BSP nipagawas og pasidaan niadtong Huwebes, Pebrero 2, nga walay P150 nga denominasyong papel de bangko nga nagbutang sa nawong ni Dr. Jose Rizal nga gipagawas sa ahensya.

Matod nila, ang mga litrato sa mga banknotes nga nag-circulate online tinumotumo lamang o “fictitious.”

Tungod niini, girekomenda sa ahensya sa publiko nga susihon pag-ayo ang kasayuran sa mga banknotes ug mga sensilyo nga makita sa social media ug uban pang mga platform.

Aron makumpirma, gi-awhag ang publiko sa pagbisita sa Notes and Coins section sa opisyal nga website sa BSP nga www.bsp.gov.ph.

Gitambagan usab ang publiko nga susihon kanunay ang lehitimo nga impormasyon nga makita sa social media ug uban pang mga channel bahin sa mga banknotes ug mga sensilyo sa Pilipinas.

Ang bisan kinsang malambigit sa pag-isyu o sirkulasyon sa peke nga salapi mahimo usab nga i-report sa SP Payments and Currency Investigation Group pinaagi sa email address pcig@bsp.gov.ph.

Mahimo usab motawag sa +63-2-8988-4833 o +63-2-8926-5092.

Ang BSP nag-awhag sa publiko sa pagtaho sa mga tawo nga nalambigit sa paghimo ug/o pag-apod-apod sa peke nga salapi sa Pilipinas ngadto sa BSP Payments and Currency Investigation Group sa email address pcig@bsp.gov.ph o pinaagi sa mga numero sa telepono +63-2-8988- 4833 ug +63-2-8926-5092.

Kahinumdoman nga ang BSP una nang nagpagawas og limitado nga edisyon sa P150 nga mga sensilyo agig pagpasidungog sa ika-150 ka tuig sa pagkamartir sa mga Katolikong pari nga sila si Mariano Gomez, Jose Burgos, ug Jacinto Zamora o Gomburza. (ECB/PIA7 Bohol)