ILOILO CITY (PIA) -- Nagapasiguro ang Land Bank of the Philippines (LANDBANK) sa mga transport groups sang accessible kag affordable nga financing agud nga makabulig sa mga ini makabalhin sa mas safe kag efficient nga salakyan.

Ini nga tikang suporta sang LANDBANK sa Public Utility Vehicle (PUV) modernization program sang gobyerno nga ginapangunahan sang Department of Transportation (DOTr) kag Land Transportation Franchising and Regulatory Board (LTFRB).

Pahayag ni LANDBANK President kag Chief Executive Officer Cecilia Cayosa Borromeo nga padayon ang Bangko sa paghatag sang labing kinahanglan nga bulig-pinansyal agud nga mabuligan ang mga driver kag operator sa pag-upgrade sang ila mga salakyan.

para sa pagbakal sang masobra tres mil ka mga modern jeepney, tubtob sang January 31, 2023.

Ginpadako man sa Bangko ang nakatigana nga pondo sa P10 bilyones agud maka-akomodar sang mas madamo pa nga mga transport cooperatives kag korporasyon. Ini ang ika-tatlo nga pagtaas sang ginpain nga badyet nga natigayon sang LANDBANK para sa programa gikan sa inisyal nga pondo nga nagabalor sang P1.5 bilyones sang 2017.

Sa idalom sang SPEED PUV Program, ang mga kwalipikado nga grupo ang makahulam tubtob sa 95 porsyento sang kabilogan nga kantidad sang pagbakal sang modern public utility jeepney (PUJ), sa masarangan nga interest rate nga 6 porsyento kada tuig ukon indi magnubo sa 0.5 porsyento kada bulan, kag mabayran tubtob pito ka tuig.

Lakipan man ini sang subsidy nga nagabalor P160,000 sa kada salakyan maghalin sa gobyerno-nasyonal para sa mga unit nga mabutang sa idalom sang Class 1, 2, 3 kag 4 nga mga category models.

Nahibaluan nga ang kada modern PUJ nasangkapan sa mga safety kag convenience features kabahin sang air conditioning kag closed closed-circuit television (CCTV) systems, koneksyon sang Wi-Fi, kag Global Positioning System (GPS).

Magluwas sini, ang tagsa ka salakyan nagasunod man sa European emission standards para sa globally-accepted vehicle exhaust emission limits nga makapasiguro sang manubo nga epekto sa palibot.

Para sa mga interesado sa nasiling nga programa, ginaabisuhan nga magkadto lang sa pinakamalapit nga LANDBANK Lending Center ukon Branch, ukon magtawag sa customer service hotline sa (02) 8-405-7000 ukon sa PLDT Domestic Toll Free 1-800-10-405-7000. (JBG/FRG/PIA6/LANDBANK)