TAGBILARAN CITY, Bohol, March 7 (PIA) -- Giawhag ang matag Boholano nga magparehistro sa ilang Subscriber’s Identity Module (SIM) card subay sa Republic Act 11934, o ang SIM Registration Act, aron dili mawad-an og phone service sa pag abut sa Abril 26.
Tumong sa nasudnong kagamhanan nga matuman ang ilang misyon nga tapuson ang mobile phishing, scam, ug uban pang online fraud pinaagi sa pagrehistro sa ilang subscriber identity modules (SIMs) ngadto sa public telecommunication entities (PTEs) o telecommunication companies.
Ang National Telecommunications Commission (NTC) naghatag sa mga tiggamit sa cellphone og 180 ka adlaw sa pagparehistro sa ilang mga sim card, nga matapos sa Abril 26, 2023.
Ang pagkapakyas sa pagparehistro mosangpot sa pag-deactivate sa mga sim card. (Geriza Necesario/PIA7 Bohol Student Intern)
Si Victor Magallanes, opisyal sa Department of Information Communications and Technology, mipadayag sa tumong sa SIM registration atul sa SIM Sign-up Activity didto sa BISU Main Campus, Marso 2. Aduna na lay duha ka buwan hangtud matapos na ang registration ug ma deactivate na ang mga numbers nga wala marehistro. (PIA Bohol)
