TAGBILARAN CITY, Bohol, Marso 7 (PIA) -- Aron malikayan ang phone scams ug aron mailhan na ang tag-iya sa numero sa selphon nga nangilad, kinahanglan na nga iparehistro ang mga Subscriber Information Modules (SIM) sa tanan nga cellphones.
Kini subay sa Republic Act 11934 o SIM Registration Act nga nahimo na nga balaod niadtong Disyembre 27, 2022 human pirmahi ni Presidente Ferdinand Marcos Jr..
Niini, sa pagpakigtambayayong sa Philippine Information Agency (PIA), National telecommunications Commission (NTC) ug Department of Information Communications and Technology (DICT), gitabangan ang mga estudyante sa pagparehistro sa ilang mga sim cards, niadtong Marso 2, 2023 didto sa Bohol Island State University Tagbilaran City Campus.
Ang sim card registration gipatuman sugod niadtong Disyembre 27 hangtod Abril 26 ug nga human niini, ang mga SIM nga wala marehistro, mahimong dili na magamit pa.
Karong panahona kadaghanan sa mga tawo migamit na sa cellphone isip ilang paagi sa komunikasyon.
Ang NTC nipahibawo nga kinahanglan ang tanang mga Filipino citizen nga may selpon nga migamit sa sim card magparehistro, aron malikayan ang pagka deactivate ug masolbad na dayun ang mga krimen gamit ang selphone.
Niini, gipatuman sa NTC ang Sim Registration sa tanan alang sa atong kaluwasan. (PIABohol/Anna Kaye Madulara Student Intern)
TABANG SA GLOBE. Personal nga gigiyahan ni Aldrin Avergonzado ang mga estudyante sa BISU nga makaparehistro sa ilang SIM numbers aron dili na magpunsisok ang tanan sa panahon nga ting deadline na sa pagpangrehistro. (PIABohol)
