TAGBILARAN CITY, Bohol, May 17 (PIA) -- Gilusad ang gipalig-on pa nga programa sa Kapitolyo alang sa pagpa-asdang sa gender and development agenda (GADA) ubos sa pangagamhanan ni Gobernador Erico Aristotle Aumentado.
Matud ni Provincial Human Resource Management and Development Officer Anne Mariquit D. Oppus, ang pagkahipno sa ideya sa gipakusgan nga GAD agenda ni Aumentado nagsugod diha nga gipangutanan siya kon unsa pa ang ikatampo sa administrasyon sa pagpalambu sa Bohol.
Niadtong panahona nga anaa pa sa pribado nga sector si Oppus, iyang gipaambit ang GAD apan sayud siya nga dili siya mahimong mangampanya uban ni Aumentado.
Sa pagkadaug na ni Aumentado, gibutyag ni Oppus nga usa sa iyang mga gikampanya usab sukad nahimo siya nga politico sa syudad mao ang GAD, sanglit kini usa sa mga hisgutanan nga permi dili matagad.
Dungan sa paglusad, gilagdaan usab ni Gob Aumentado ang Executive Orders sa kamugnaan sa Capitol GAD resource Center ug ang pagbutang og tawo sa tig-imbestigar sa mga kaso sa Gender-based harassment in the workplace gamit ang Code of Conduct of Investigations (CODI).
Ang ARISGADA nangahulogan og Abatement of Gender based violence pinaagi as Accountable nga paggamit sa 5% GAD budget nga gilagda sa balaod, Responsive ug estrikto nga pagpasubays a mga palisiya nga nasabutan ilabi na sa pagpa-asdang sa katungod sa kababayen-an.
Ang Arisgada aduna usab gipasabut nga Institutionalized ug gipangusgan nga adbokasya ug kampanya sa mga katungod ug Strengthened lakin na ang motrabaho nga organizational structures aron mapadayon ang molahutay nga pagpakigtambayayongay sa mga stakeholdérs alang sa gender equality ug empowerment Gender And Development Agenda (ARISGADA), pasabut ni Oppus.
Sa paglusad nga gitambongan sa mga nagkadaiyang nag-unang sector sa kababayen-an nga naa sa mga bantangnga sitwasyon sa paglapas sa katungod, gilagdaan usab ang committment sa mga sector pagsuporta sa adbokasya.
Narepresentar didto ang sector sa kababayen-an sa komunidad sa mga Muslim, mga babayeng trabahante ug empleyado sa Kapitolyo, mga persons with disabilities, Girl Scouts of the Philippines, Lions Club, Catholic Women’s League, kapolisan ug unipormado nga serbisyo, estudyante ug mga sakop sa media. (RAHC/PIA7 Bohol)
