TAGBILARAN CITY, Bohol, June 19 (PIA) -- Kon susama pa sila og categorya sa dagan, hayan makasulod pa ang daghang taga Inabanga nga lalaki nga runners sa Open 5 kilometer Fun Run sa Tikang sa Inabanga, 2023 Backyard Half Marathon Trail and 5 kilometer Fun Run niadtong Domingo, Hunyo 18.

Didto sa bag-o nga napahiluna nga mga trails sa extreme sports park sa lungsod nga napahimutang sa Barangays datag ug Lilo-an Norte, gibutyag ni mayor Jose Jono Jumamoy nga kini maoy ikaduha nga hugna sa sa mga lumba nga gihimo sa Inabanga human sa una nga Tikang sa Inabanga ug Ikid sa Inabanga sa miaging tuig.

Sa ilang 5 kilometer fun run nga eksklusibo nga gisalmotan sa mga taga Inabanga, gilaras ni John Carlos Camacho ang lima ka kilometros nga padulhog gikan sa Datag ngadto sa Liloan Norte ug balik pasaka sa 22:16 segundos, oras nga katumbas na sa ikatulo nga podium sa mga elitista nga nakiglumba usab sa susama nga kalay-on, nianang adlawa.

Nakuha sa anaa sa ikatulo nga pwesto sa open 5 KM fun run ang 20:21, bisan pa ang si Camacho ga nagsul-on sa racing bib nag I-41, possible nga walay lig-on nga bansay sa dagan.

Ikaduha nga mananaug sa exclusive Inabanga Male sa 5KM fun run mao si Dexter Lamorin (I-06) nga mitapos sa 5 kilometros sa 23:03 samtang gikompleto ni Lyndon Millanes (I-14) ang ikatulo nga pwesto sa podium nga mitapos sa lumba sa 23:34.

Ika upat na si Ryan Jay Milar kins amitapos sa susamang 5 KM sulod sa 24:23; ika lima si Romel Vitor Lariosa (I-15) nga mitapos sa oras nga 25:27; ika-6 si Mansea Romuald Seloterio (I-18) sa oras nga 26:23, samtang ika 7 si Alistair Jan Loberternos (I-25) human sa 26:23.

Ika-8 si John Kenin Lumayag (I-54) human sa 27:22; ika 9 si Angemar Bautista (I-11) nga mitabok sa finish line 27:39 ug ika napulo si Miles Vincent Lumayag (I-40) human sa 28:08.

Sa mga babaye nga exclusive sa mga taga Inabanga, labing kulbahinam ang pagtapos nila ni Kristine Salve Quiao (I-50) ug ni Rachel Jumamoy (I-53), kinsa maoy nag-ilog sa ika upat ug ika lima nga pwesto.

Usa  ka lakang na nga gyud unta ang ligas sa duha apan nahiuna gyud si Quiao nga mitala sa iyang record sa 50:31 sa lima ka kilometro samtang si Jumamoy, nga asawa sa mayor, mitapos sa 5 kilometros sa 50:32 alang sa ika lima nga pwesto.

Si Moncita Matunhay (I-16) mitapos sa 5KM fun run exclusive sa kababayen-an alang sa unang pwesto sa 45:55 un kini gisundan na nakuha ni Yvone Vistal (I-13) nga mitapos sa 46:55, us aka minuto human ni Matunhay.

Ika tulo si Zenaida Manliguez (I-24) nga mitala sa 48:52.

Sa ika6, nakuha kini ni Jannene Khem Opalla (I-23) human sa 52:57, dayun ikapito si Jonna May Anasco (I-33) nga mitapos sa 56:05, ika 8 si Jescelyn Joy Aumbrado (I-34) human sa 56:54 ug ika siyam si Hannah Mae Domlas (I-04) sa 56-59.   

Sa nagpanghitabo, matud ni Mayor Jose Jono Jumamoy nga palig-onon pa nila ang mga bansaybansay sa mga local nga mga atleta, ilabi na sa napakita nga maayong record niini kon itandi sa mga dayo.

Bisan sa mga babaye, katumbas sa ika siyam nga pwesto ang ilang nakuha nga record, kon itandi sa mga nangaraan na sa dagan sa Bohol nga misalmot sa open category.

Matud sa Mayor nga ilaha nga tuyoon nga ipahimutang nga permanente na ang mga markers sa ilang 21 kilometer trail course alangs amga buot mosubay niini isip pamaagi sa pagpalagsik sa lawas ug pagpalig-on sa resistensya alang sa pormal nga mga lumba.   

Sa sunod semana, lumba sa bisekleta padulhog sa mga kabungturan na usab sa Datag, Lilo-an Norte ang mahitabo ug apilan kini sa mga hangtik nga endure riders sa Kabisay-an. (RAHC/PIA-7 Bohol)