TAGBILARAN CITY, Bohol, July 25 (PIA) -- Niubos og 40% ang presyo sa mga mahinungdanon ug nag-unang tambal sa nasod.
Gawas niini, may mga medisina usab nga ni-ubos ang presyo og 90%.
Sa iyang ikaduhang State Of the Nation Address (SONA) sa Batasang Pambansa, Lungsod sa Quezon niadtong Lunes, miingon si Presidente Fredinand R. Marcos Jr. nga ang pagpaningkamot nga ubsan ang presyo sa mga nag-unang medisina nahimong posible pinaagi sa “primary care providers and networks” ug pakigtinabangay sa local government units ug private stakeholders.
Matud pa nga ang pagpaningkamot suportado usab sa gitawag karon nga “a better and more efficient” Philippine Health Insurance Corporation (PhilHealth).
“Aside from the maximum retail price regulation being implemented, strategic VAT exemption also lowered the prices of 59 essential medications, such as those for cancer, diabetes, hypertension, kidney disease, and mental illness
Gawas sa gipatuman nga maximum retail price regulation, gipaubos usab sa strategic VAT exemption ang presyo sa 59 ka importanteng tambal, sama sa cancer, diabetes, hypertension, kidney disease, ug mental illness,” dugang pa sa Pangulo.
Si Marcos nagkanayon nga mas duol na karon ang gobyerno sa Pilipinas sa pangandoy niining makahatag og de-kalidad nga healthcare, gipahimug-atan ang 93% nga mga katawhan nga miyembro sa PhilHealth.
Ubos sa “Konsulta Package of PhilHealth,” 21 ka klase sa medisina ug 13 laboratory services ang ginahatag karon og libre, matud pa sa Pangulo.
Gitumbok usab ni Presidente Marcos nga adunay 2,000 ka “Konsulta” centers sa tibuok nasod , diin 35% nga mas taas sa datos sa niaging tuig. (ECB/PIA7-Bohol)
