Inilunsad ang unang payout sa Barangay Labuan noong Hulyo 20 at sa iba pang barangay sa ilalim ng CSWDO-Field Office 1 na kinabibilangan ng mga Barangay Limpapa, La paz, Tulungatung, Sinubong, Pamucutan, Baluno at Cawit. Sumunod na rin ang ibang barangays na humigit-kumulang ay nasa 67 barangays sa nasabing payout hanggang Hulyo 28.
Higit pa rito, ang P1,000.00 kada quarter na cash incentive ay sumasaklaw sa lahat ng indibidwal na may edad 60 pataas anuman ang estado ng trabaho, membership sa organisasyon at kung tumatanggap man o hindi ng mga pensiyon at iba pang anyo ng sahod.
“Our senior citizens really have a special place in the heart of Mayor Dalipe, thus he wants these financial assistance released to them the soonest time possible,” CSWDO head Ma. Socorro Rojas said.
Kasabay ng mga tulong na ito ay ang payout para sa daan-daang PWDs na nakatanggap naman ng Php3,000 sa ilalim ng AICS program. Ito ang paraan ng pamahalaan sa pagkilala sa karunungan at kontribusyon ng mga senior citizen at sektor ng PWD sa lungsod.
Patuloy ang lokal na pamahalaan at si Alkalde Dalipe sa layon nitong makatulong sa lahat ng mga nangangailan ng karagdagang tulong pinansyal lalo na sa mga vulnerable sectors ng lipunan. (R%VC/MLE/JQB-GIP/PIA9-Zamboanga City)
