VINCENZO SAGUN, Zamboanga del Sur, 11 Agosto (PIA) - Nakipagtulungan ang Department of Labor and Employment - Zamboanga del Sur Field Office (DOLE - ZDSFO) sa lokal na pamahalaan ng bayan (LGU) ng Vincenzo Sagun upang magbigay ng mga kits para sa kabuhayan sa 94 na magulang ng mga dating batang manggagawa, na nagkakahalaga ng P2,827,050.00.

Ang pagtitipon na pinangunahan ni DOLE-9 Regional Director Albert E. Gutib ay layong magbigay ng mga kagamitan sa mga benepisyaryo para sa matatag na kabuhayan tulad ng pagsasaka, pangingisda, baking, carpentry, dressmaking, vulcanizing, at kosmetolohiya. Ang seremonya ay naganap sa Municipal Gymnasium noong Agosto 10, 2023.

Inilahad ni RD Gutib ang layunin ng inistiyabo sa mga dumalo. "Today, we're taking a step towards inclusive growth and addressing the concerns of various sectors, especially child laborers, to ensure decent jobs for all. Children have the right to education, play, and sleep without being engaged in economic activities. This is why a combined effort from both national and local governments is essential to tackle this issue," aniya.

(Gumagawa kami ngayon ng hakbang tungo sa inclusive growth at pagsasagawa ng mga solusyon para sa iba't-ibang sektor, lalo na ang mga batang manggagawa, upang tiyakin ang maayos na trabaho para sa lahat. Ang mga bata ay may karapatan sa edukasyon, paglalaro, at pagtulog nang hindi naka-engage sa mga economic activities. Ito ang dahilan kung bakit mahalaga ang sama-samang pagsisikap mula sa pambansa at lokal na pamahalaan upang labanan ang problemang ito)