MANILA, Aug. 23 (PIA) -- Gipaniguro ni Presidente Ferdinand R. Marcos Jr. nga adunay mga panalipod alang sa mga pagpalit sa gobyerno online.

Sa Cabinet sectoral meeting sa Malacañang adlaw’ng Miyerkoles, Agosto 23, 2023, ang Presidente niingon nga kinahanglan usab nga bantayan ang overpricing sa pagpalit sa mga panaliton pinaagi sa digital platform.

Ang Presidente nagkanayon usab nga ang mga suplay sa gobyerno gikan sa mga potensyal nga suppliers dili basta-basta maablihan sa tanan nga naggamit sa online nga mga transaksyon.

Dugang pa niini, gikinahanglan nga mahatagan og accreditation ang mga nag-istoryahanay nga mga tigbaligya sa gobyerno karon nga ang sistema sa pagpamalit gipadayon pinaagi sa digital platform.

Gianunsyo sa Department of Budget and Management (DBM) niadtong Miyerkoles nga ang Procurement Service – Department of Budget and Management (PS-DBM) mag-pilot sa usa ka e-Marketplace ubos sa Philippine Government Electronic Procurement System (PhilGEPS) alang sa pagpalit sa gobyerno sa mga sakyanan.

Ang PhilGEPS mao ang serbisyo sa elektronik nga komersiyo nga gipanag-iya ug gipadagan sa PS-DBM, nagsilbi nga sentrong portal alang sa tanang impormasyon sa pagpalit ug mga kalihokan sa gobyerno.

Gipresentar sa DBM ngadto sa Presidente atol sa maong sectoral meeting sa Malacañang ang gisugyot nga mga amendment sa Republic Act No. 9184, o ang “Government Procurement Reform Act (GPRA).”

Ang GPRA gilantaw aron matubag ang kakulang sa transparency ug kompetisyon, wagtangon ang panagkunsabo ug panghilabot sa politika, ug maminusan ang mga paglangan sa proseso sa pagpamalit.

Uban sa paspas nga pagbag-o sa teknolohiya sa miaging duha ka dekada ug sa pag-atake sa coronavirus pandemic, ang publiko nagsalig pag-ayo sa digital nga mga transaksyon, nagpugos sa mga awtoridad nga ikonsiderar ang paghimo sa pagpalit sa gobyerno nga labi ka nahiuyon sa pagbag-o sa panahon. (ECB/PIA7-Bohol)