SIQUIJOR, Siquijor, September 19 (PIA) -- Aron masiguro nga anaa ug barato ang stocks sa bugas sa Probinsya sa Siquijor, ang Pangagamhanan, pinaagi sa Office of the Provincial Agriculturist (OPA), Department of Trade and Industry (DTI) ug Department of Social Welfare and Development (DSWD), nagpasiugda ug tigum/orientasyon uban sa mga hingtungdan nga mga retailers sa bugas subay sa pagpatuman sa Executive Order No. 39 (EO No. 39) Series 2023 nga nagpahamtang ug price ceiling sa bugas kaniadtong Septembre 12, 2023.

Sumala sa gipahayag sa EO No. 39, P41 ang mando nga presyo para sa regular milled rice samtang P45 matag kilo ang presyo sa well-milled rice.

Sa maong tigom, nasayran nga dili makahatag og report ang DTI ug DSWD alang sa hinabang tungod kay wala'y bisan usa sa mga retailer sa bugas dinhi sa Siquijor ang nituman sa maong mando.

Ang mga retailers sa bugas nagpagawas sa ilang gibati nga apektado kaayo sila sa maong bag-o nga rice price cap  tungod kay daghan ang stocks sa bugas nga napalit nila ug mahal daan gikan sa mga wholesaler busa dako ang ilang lugi kung ila kining ibaligya sa mas ubos nga presyo.

Apan gi garantiya sa DTI Siquijor ug DSWD nga mutabang sila nga tanang mga retailers sa bugas dinhi aduna'y madawat nga hinabang nga cash assistance nga nagkantidad ug P15,000 gikan sa Sustainable Livelihood Program - Economic relief subsiday sa DSWD ug andam na kini ma release karong sa  Septembre 15.

Nakigsabot na usab ang DTI sa ubang mga wholesaler nga paubsan ang ilang presyo aron makabaligya ang mga retailer sa bugas sa kantidad nga P41 ug P45.

Dugang niini, gihangyo sa DTI nga kadtong ubang mga retailer sa bugas sa ilang wholesaler apan wala pa mailhi nila aron maapil sa susamang negosasyon.

"Nangita mi'g pamaagi nga maka-comply si Siquijor at least naa ta diri available nga rice nga tag P41 ug tag P45. Kinsa kadtong maka-commit na namo, then we will include you already in the list," sumala pa ni Juliet B. Banogon, Provincial Director sa DTI.

Si Atty. Dale Louis Tudtud, Chief of Staff of the Provincial Government ug OIC Provincial Tourism Officer, usab miingon, "There's nothing more important (wala nay mas importante pa) gyud but to ensure (kon dii pag siguro nga ang mga katawhan naay access (kapaingnan) sa mga stable foods (sa mga kalan-on matag adlaw). Bisag unsa ka importante sa Tourism, never gyud nato i-kompyansa ang atong essential goods and services especially kaning kan-on."

Sa katapusan sa tigom, ang mga retailers sa bugas miuyon sa pag-comply sa EO No. 39, sugod sa Septembre 13 pero naglimit sila ug 2 kilos nga bugas sa usa ka tawo ug 2 ka sako nga bugas ang ibaligya sa usa ka adlaw aron dili dali dayon mahurot ang stocks.

Ang DTI miuyon pud sa ilang pag-comply ug ila kining i-monitor aron masuta kon tinuod ba kini. (RAC/MFH/PIA7-Siquijor)