SYUDAD SANG ILOILO (PIA) -- Nakabaton sang makinarya ang syudad sang Iloilo gikan sa United States United States Agency for International Development (USAID) pinaagi sa Clean Cities Blue Ocean (CCBO), isa ka programa nga may tinutuyo sa pagtapna sang plastik nga nagatuga sang polusyon sa kadagatan.

Dako ang pagpasalamat ni Mayor Jerry Treñas kay USAID-CCBO Philippine Country Director Joel Palma nga nagpanguna sa paghatag sang skid loader sa syudad nga ginbaton naman ni Vice Mayor Jeffrey Ganzon kag City Environment and Natural Resources Office (CENRO) head Engr. Neil Ravena.

“We are very thankful to USAID for this logistical assistance. This will be a big boost to our pro-environment initiatives. Thank you for the partnership as we continue to provide Ilonggos with sustainable infrastructural developments and bring Iloilo City to the next level,” pahayag ni Treñas.

Samtang, para kay Ravena, mangin dako nga bulig ang makinarya sa ginapadalagan nga Material Recovery Facility sang syudad nga napahamatang sa Barangay Calahunan, Mandurriao

“This also means that our material recovery will be doubled and we will have higher compliance for waste diversion,” dugang ni Ravena.

Naghatag man sang teknikal nga bulig ang CCBO sa CENRO kaangay sang Solid Waste Competency Index assessment kag Cost of Service Analysis for solid waste management.

Gin-facilitate man sang CCBO ang partnership sa CEMEX kun sa diin isa ka Memorandum of Agreement ang pagalagdaan agud masuguran na ang pagkolekta sang mga low density plastic recoveries sa MRF nga mahimo nga gamiton bilang co-processing material sa pag-obra sang mga semento. (AAL/LMLE/PIA Iloilo)