SIQUIJOR, Siquijor, October 5 (PIA) -- Nisanong dayon ang mga naninguhang magpapili pagka opisyal sa mga barangay sa probinsya sa Siquijor, sa tawag sa Siquijor Police Provincial Office (SPPO) kauban ang Commission on Elections (COMELEC) nga makiglambigit sa Unity Walk, Interfaith Prayer o Rally, Candidates Forum and Peace Covenant Signing.
Gisugdan niadtong Setyembre 26 sa lungsod sa Maria, Siquijor, ang maong kalihukan nagtumong nga mapalambo ang kooperasyon sa matag kandidato, mga tigpaluyo, bumolotaray ug aron mapatulpos ang pagtinabangay tali sa komunidad ug gobyerno sa pagpabilin sa kalinaw ug kahapsay sa Barangay and Sangguniang Kabataan Elections 2023.
Ang PIA Siquijor kauban sa nagkalain-laing ahensiya, maabtikong miduyog usab sa mga kalihokan alang sa hapsay ug malinawanong eleksyon pinaagi sa paglagda sa Integrity Pledge. (RAC/PIA7 Siquijor)
Gisundan kini sa sa lungsod sa Siquijor niadtong Setyembre 27, sa Enrique Villanueva niadtong Setyembre 28, sa Larena niadtong Setyembre 29, sa Lazi niadtong Oktubre 5 ug sa San Juan karong Oktubre 6.
Sa maong kalihukan, mipaambit ug mihatag ug mensahe ang mga tinugyanan sa buhatan sa SPPO nga giulohan ni PCol. Robert Lingbawan, COMELEC, Department of the Interior and Local Government (DILG), Department of Education (DepED), ug mga representate sa relihiyosong sektor. Misalmot usab sa maong kalihukan ang Bureau of Fire Protection (BFP), Philippine Arrmy, ug ang Philippine Information Agency (PIA).
Si Provincial Election Supervisor Atty. Jerome Brilliantes nipaambit ug pahimangno sa mga angay buhaton ug nagpahinumdom sa mga gdili sa panahon sa eleksyon ang kauban ang mga kalangkob nga opisyales sa lain-laing mga ahensya sa gobyerno. (RAC/PIA7-Siquijor)
Si PCol. Robert Lingbawan sa iyang mensahe alang sa hapsay ug malinawong eleksyon sa klalawigan sa Siquijor. (RAC/PIA7-Siquijor)
