MANILA, October 10 (PIA) -- Ang Office of the President (OP) ug ang Commission on Higher Education (CHED) nag-awhag sa mga estudyante gikan sa State Universities and Colleges (SUCs) sa tibuok nasod sa pagsalmot sa “Isang Bituin, Isang Mithiin” national parol-making contest karong tuiga.
Ang mga interesadong grupo, nga pagalangkuban sa labing daghan nga upat ka mga estudyante, nga gustong moapil sa kompetisyon kinahanglang mosumiter og usa ka orihinal nga parol – ginama sa recycled endemic nga materyales sama sa kawayan, papel, ug coconut palm, gawas sa plastik nga mga materyales – nga nagrepresentar sa talagsaong tradisyon sa SUCs diin sila nagtungha.
Ang mga commercial nga mga parol dili tugotan ug ma-disqualify, base sa mga mechanics
Ang mga partisipante gikinahanglan nga mosumiter og printed ug soft copies sa opisyal nga endorsement letter gikan sa SUCs nga ilang girepresentahan.
Ang pagsumite sa mga entries sa Malacañang sa mga adlaw sa semana gikan sa alas 8:00 sa buntag hangtod sa alas 5:00 sa hapon taman sa Oktubre 27 (Biyernes) lamang.
Ang ubang mechanics sa kompetisyon ug ang criteria sa paghusga mahimong ma-akses sa opisyal nga Facebook page sa Social Secretary’s Office.
Ang King of Talk nga si Boy Abunda, globally-acclaimed Architect Conrad Onglao, ug kanhi Commissioner for Cultural Heritage sa National Commission for Culture and the Arts (NCCA) ug kanhi Commissioner for Culture sa UNESCO National Commission of the Philippines Architect Mico Manalo mao ang mga huwes sa kompetisyon karong tuiga.
Ang mga mananaog nga SUCs makadawat ug photo ug video editing package nga gilangkuban sa gigabyte nga G7 laptop; usa ka tuig nga subscription sa Adobe Creative Cloud; Canon M50 nga kamera; 1 DJI Ronin-SC camera stabilizer 3-Axis Gimbal; ug, usa ka INSTA 360 Flow AI-powered smartphone stabilizer.
Alang sa mga estudyante, ang 3rd placer makadawat og P250,000; ang 2nd placer makadawat og P500,000; ug P1 milyon alang sa 1st placer samtang ang online poll winner makadawat og espesyal nga premyo nga P100,000.
Ang mga representante gikan sa SUCs gi-awhag sa pagkontak ni Ching Villas sa +63 917 3206047 alang sa mga katin-awan ug mga pangutana bahin sa kompetisyon. (ECB/PIA7-Bohol)
