TAGBILARAN CITY, Bohol, October 25 (PIA) -- Ang mga rehistradong botante alang sa umaabot nga 2023 Barangay ug Sangguniang Kabataan (SK) elections makapangita na sa ilang polling precinct online pinaagi sa Commission on Elections (Comelec) website nga precinctfinder.comelec.gov.ph.

Ang mga tiggamit hangyuon sa pagbutang sa ilang lokasyon (lokal o gawas sa nasud), kumpleto nga ngalan, ug rehiyon ug lungsod/munisipyo sa pagrehistro. Ang impormasyon sa pagboto magpakita sa lugar ug numero sa presinto, ingon man ang status sa mga botante.

“This Site is designed to do an exact match of the data you provide vs what is in the COMELEC central database (Kini nga Site kay gidesinyo para makahimo ug saktong pagpares sa datos nga imong gihatag batok sa naa sa COMELEC central database),” matud sa Comelec sa site.

Ang nationwide barangay ug SK elections ipahigayon karong Lunes, Oktubre 30. Ang botasyon magsugod sa alas 7 sa buntag ug matapos sa alas 3 sa hapon.

Makadawat ang mga botante nga nag-edad 15 hangtod 17 anyos og SK ballot, samtang ang mga botanteng edad 18 hangtod 30 hatagan sa SK ug regular nga barangay ballot.

Samtang ang mga botante nga 31-anyos pataas makadawat lamang sa barangay ballot.

Gideklarar ni Presidente Ferdinand Marcos Jr. ang Oktubre 30, 2023 isip espesyal nga nasudnong holiday alang sa BSKE. (ecb/PIA7-Bohol)