KALIBO, Aklan (PIA) -- Nag-umpisa eon it pamakae it paeay ro National Food Authority (NFA) iya sa Aklan sa mataas nga presyo.

Sa ginpatigayon nga meeting kurundaya eamang it Aklan Public Information Officers Association ukon APIOA, ginsugid ni Andy Ostan, Acting Assistant Branch Head it NFA Capiz-Aklan nga ro sangkilo it mamaea ag malimpyo nga paeay hay ginabakae it P19.00 nga may dugang nga “buffer stock incentive” (BSI) nga P4.00 ukon kabilugan nga P23.00.

Samtang, ro mabasa nga paeay hay P16.00 ro sang kilo ag may dugang nga P2.00 nga BSI ukon P18.00 sa kabilugan.

Suno sa NFA, ro BSI hay pwede magbag-o kada Dominggo, depende sa “ex-farm gate price.”

Gabaton man ro NFA it mga “walk-in” nga mga mangunguma nga owa it passbook sa andang una nga pagdeliver it hasta sa 200 nga sako it paeay sa sangka transaksyon.

Kinahangeanon eon dayon ro passbook sa masunod nanda nga pagdeliver. (AGP/VGV/PIA Aklan)