bagay bagay. Kaya, dapat palaging may isang taong maaaring gumabay sa iyo sa kabuuan ng iyong paglalakbay. Diyan maaasahan ang DICT, sa kanilang napakaraming proyekto na tiyak magagamit sa pag-abot ng mga pangarap natin sa buhay)."
Sa kasalukuyan si Engr. Joy ay isa ng mayroong matagumpay na MSME at patuloy na ginagamit at ibinabahagi ang kanyang natutunan mula sa DICT.
Samantala, isa rin sa mga pangunahing layunin ng training ay ang mapataas ang kaalaman ng mga mamamayan tungkol sa Information Technology and Business Process Management (IT-BPM) sa bansa kung saan dahil sa mga kursong ipinagkakaloob ng DigitaljobsPH ay nagkakaroon ng mas malaking potensyal na matanggap at makakuha ng trabaho ang bawat isa.
Ang DigitaljobsPH na dating Rural Impact Sourcing RIS Program at mas kilala sa katawagang "Kapag May WiFi, May Hanapbuhay" ay isang programa ng DICT na nagbibigay ng libreng technical trainings sa mga nagnanais maging online freelancers bilang isang paraan ng kabuhayan gamit ang sariling internet platform. (RMJ/PIA Marinduque)