Inaasahang makakatanggap ang mga benepisyaryo ng P464.95 na sweldo kada araw o tinatayang humigit P9,000 sa pagtatapos ng kanilang tatlong linggong pagtatrabaho.

Samantala, sinabi ni Provincial Administrator Michael Vincent Velasco na magandang pagkakataon ang programang ito para sa mga kabataan sapagkat matututo silang magsilbi sa iba't ibang tanggapan ng pamahalaan kung saan sila ay madedestino.

"Bilang mga pag-asa ng bayan, hangad ko na maging taus-puso ang inyong paglilingkod sa pamayanan at maging instrumento sa pag-unlad ng ating probinsya," ani ng panlalawigang administrador.

Nakiisa naman sa nasabing oryentasyon sina Chief Administrative Officer Alma Timtiman ng LMD-PESO, Acting Field Officer Philip Alano ng DOLE Marinduque Field Office at Katrin Ann Llamas, Executive Assistant at kinatawan ni Vice Gov. Adeline Angeles. (RAMJR/PIA MIMAROPA)