TAGBILARAN CITY, Bohol, July 19 (PIA) -- Andam na nga gamiton ang mga COVID-19 Intensive Care Units (ICU’s) ug mga ward tents nga gihatag sa Department of Health (DOH)- Calabarzon sa Quezon Medical Center sa Lucena City.

Matod ni Health Facility Operation and Development Unit Outcome Manager Wyda Berina, naghatag usab ang opisina sa rehiyon og mga trabahante pinaagi sa pag-deploy og human resource for health for COVID-19 response and management.

11 ka mga COVID-19 ICU wards ang gi-apod-apod ngadto sa mga COVID-referral hospitals sa rehiyon.

Matod ni DOH Regional Derector Eduardo Janairo, kinahanglan nato dungagan ang kapasidad sa mga ospital ug susihon ang bag-ong solusyon alang sa pagdumala ug pagtambal sa mga pasyente sa COVID-19 ug andam usab sa posibilidad nga pagdagsang sa mga kaso niini.

Dugang usab sa kalihim, mahimo usab nato maminusan ug mapugngan ang pagkaylap sa virus sulod sa mga ospital tungod kay kini nga mga tents anaa man sa gawas.

Matod sa taho sa Intergrated Provincial Health Office sa Quezon, aduna pa gehapo’y 750 ka mga aktibong kaso gikan sa usa ka kinatibuk-ang nakumpirma nga 16,164 COVID-19 infections hangtod sa Hulyo 18, 2021. (RAHC/PIA7 Bohol/John Paul Elicano)