TAGBILARAN City, Bohol, July 21 (PIA) -- Giawhag sa Philippine Red Cross (PRC) ang mga kwalipikadong Pilipino nga pagpaseguro na og kuha sa ilang vaccine shot samtang ang Delta Variant sa Coronavirus nagpadayon sa usa ka hulga.

Sa pagkutlo sa datos gikan sa Department of Health, gihatagan og gibug-aton sa PRC nga gikinahanglan sa gayud ang vaccine shots tungod sa nagkataas nga kaso sa lahi nga klase sa Covid-19: ang delta varinat sa nasud nga nakapatay na sa 3 ka tawo.

Subay niini, aduna usay mga outbreak sa mga kaso nga nagpanghitabo sa nagkadaiyang parte sa kalibutan, kasagaran diin may dyutay pa lamang ang nabakunahan, sanglit kadtong mga tawo nga wala pa nagpabakuna, mamiligro gayud.

Dugang niini, karon, adunay mga 100 ka mga nasud nga adunay Delta Variant, nga una  nga nakita sa india nga labi ka mananakod kaysa sa orihinal nga variant sa Covid-19.

Gipasalig usab sa PRC nga magpadayon sila sa paghatag sa serbisyo sa pagtesting bisan pa nga sila karon ang nangunay sa testing nga aduna nay labaw sa 3.5 milyon nga mga pagsulay sa tibuok nasud, matod ni PRC Chairman Richard Gordon. (RAHC/PIA7 Bohol/Ruffa Mae F. Evardo)