TAGBILARAN CITY, Bohol, Feb. 1 (PIA) -- Gilagdaan na ni Presidente Ferdinand R. Marcos, Jr. ang usa  ka executive order (EO)  nga nagtinguhang aprobahan ug i-adopt ang Philippine Development Plan alang sa tuig 2023-2028.

Magsilbi kining roadmap alang sa economic recovery sa nasod.

Ubos sa EO No. 14 nga gilagdaan niadtong Biyernes, Enero 27, ang PDP,  isip second medium-term plan nga naka-angkla sa “AmBisyon Natin 2040, nga nagtumong nga ibalik ang nasud sa agi-anan sa mas paspas nga ugmad sa ekonomiya ug ilabi na sa pagkab-ut sa ekonomikanhon ug katilingbanon nga kausaban alang sa bulahan, lukop ug malungtarong pamuy-nana. 

Ang AmBisyon Natin 2040 magsilbing giya alang sa  development planning gikan 2016-2040 aron mahimo sa mga Filipino nga maabot ang lig-on, hamugaway ug sigurado nga kinabuhi.

Ang PDP naka-angkla usab sa  8-Point Socioeconomic Agenda sa administrasyong Marcos nga nagtinguhang hingosgan ang pagmugna og trabaho ug pagpadali sa pagkunhod sa kakabos samtang gitumong ang mga butang tungod sa COVID-19 pandemic.

Ang PDP 2023-2028 una nang gi-aprubahan sa National Economic and Development Authority (NEDA) Board, nga gipamunuan sa Pangulo, niadtong Disyembre 16, 2022, human ang serye sa Cabinet-level ug technical inter-agency discussions ug stakeholder consultations.

Ubos sa EO No. 14, “all national government agencies, government-owned or -controlled corporations (GOCCs), government financial institutions (GFIs), other national government offices and instrumentalities, government corporate entities (GCEs), state universities and colleges (SUCs), and local government units (LGUs) are directed to adopt and disseminate the PDP 2023-2028.”

Gimanduan usab ang mga nahisgotan nga i-uyon ang ilang budgetary ug department/corporate programs kauban ang estratehiya ug aktibidad nga gitumbok sa PDP 2023-2028.

Ang pagporma sa PDP 2023-2028 angay nga makompleto sa NEDA sa unang parte sa 2023 ug angay nga matag-tuig susihon o kun gikinahanglan. (ECB/PIA7 Bohol)