TAGBILARAN CITY, Bohol, Feb. 9 (PIA) -- Nalakip ang Provincial Government of Bohol (PGBh)  sa listahan sa Department of the Interior and Local Government’s (DILG) 2022 Good Financial Housekeeping (GFH).

Gawas sa PGBh, ang syudad sa Tagbilaran ug 44 ka mga lungsod sa lalawigan ang nakasulod usab sa listahan.

Gitumbok sa DILG ang Tagbilaran City, Alburquerque, Alicia, Anda, Antequera, Baclayon, Balilihan, Batuan, Bien Unido, Buenavista, Calape, Candijay, Carmen, Catigbian, Clarin, Corella, Cortes, Dagohoy, Danao, Dauis, Dimiao, Duero, Getafe , Guindulman, Inabanga, Jagna, Lila, Loay, Loboc, Loon, Mabini, Panglao, Pilar, Presidente Carlos P. Garcia, Sagbayan, San Isidro, San Miguel, Sevilla, Sierra Bullones, Sikatuna, Talibon, Trinidad, Tubigon, Ubay ug Valencia alang sa ilang mga paningkamot sa pagpatunhay sa maayong mga gawi sa fiscal accountability ug transparency sa lokal nga pagdumala.

Ang paglakip sa local government unit sa Good Financial Housekeeping nagpasabot nga kini nagpasiugda sa praktis sa fiscal discipline, sustainability, transparency, ug accountability sa paggamit sa public funds.

Ang lalawigan sa Bohol adunay 47 ka lungsod ug usa ka siyudad.

Ang GFH nagtinguha sa pag-ila sa mga lokal nga gobyerno nga labaw sa pinansyal nga transparency.

Usa kini sa mga sangkap sa Seal of Good Local Governance sa DILG nga gipaila niadtong 2014.

Aron mahatag ang GFH accolade, ang mga local government units kinahanglang motuman sa accounting ug auditing standard regulations ug mopasar og evaluation sa Commission on Audit (COA). (ECB/PIA7 Bohol)