TAGBILARAN CITY, Bohol, April 3 (PIA) -- Gi-anunsyo sa Malacañang niadtong Biyernes ang pagsuspenso sa trabaho sa mga buhatan sa gobyerno sugod sa udto sa Abril 5, Miyerkules Santo, aron mahatagan og igong panahon ang mga trabahante sa pagpangandam sa pag-obserbar sa Semana Santa.
Ang Palasyo nihimo sa pagpahibalo pinaagi sa Memorandum Circular 16 nga gilagdaan ni Executive Secretary Lucas Bersamin.
“To provide government employees full opportunity to properly observe 06-07 April 2023, regular holidays, and to allow them to travel to and from the different regions in the country, work in government offices on 05 April 2023 is hereby suspended from 12:00 o'clock in the afternoon onwards
Aron mahatagan ang mga kawani sa gobyerno sa hingpit nga oportunidad sa husto nga pag-obserbar sa 06-07 Abril 2023, mga regular nga holiday, ug aron tugotan sila nga makabyahe ug gikan sa lainlaing mga rehiyon sa nasud, ang pagtrabaho sa mga opisina sa gobyerno kaniadtong 05 Abril 2023 gisuspinde gikan sa 12:00. alas sa hapon sa unahan)," base sa nakalatid sa memorandum.
Apan ang mga ahensya sa gobyerno kansang mga gimbuhaton naglakip sa paghatod sa mga batakang serbisyo ug kahimsog, pagpangandam ug pagtubag sa katalagman, ug uban pang hinungdanon nga serbisyo, magpadayon sa ilang mga operasyon.
Sa laing bahin, ang pagsuspenso sa trabaho sa mga pribadong kompanya ug opisina mag-depende sa ilang mga amo.
Una nang gideklarar sa Palasyo ang Huwebes Santo, Abril 6, ug Biyernes Santo, Abril 7, isip regular holidays.
Samtang ang Abril 10, Lunes, gideklarar usab nga regular holiday isip pag-obserbar sa Araw ng Kagitingan (Day of Valor). (ECB/PIA7-Bohol)
