TAGBILARAN CITY, Bohol, June 19 (PIA) -- Gibalik ni Presidente Ferdinand "Bongbong" Marcos Jr. ang iyang pasalig sa gobyerno sa paghimo og Freedom of Information (FOI) Law tungod kay kini makapugong sa pagdagsang sa disinformation ug sayop nga impormasyon online.

Mao kini ang gisulti ni Marcos sa iyang pagtambong sa 14th Edition sa International Conference of Information Commissioners (ICIC) sa Philippine International Convention Center (PICC) sa syudad sa Pasay, Lunes sa buntag, Hunyo 19.

Sa iyang keynote message, ang Presidente nagsubo kung giunsa sa internet, bisan pa sa daghang mga benepisyo, nahimo nga "breeding ground" alang sa malisyosong impormasyon.

“While we can appreciate how the Internet has vastly improved the way we live and the way we conduct our businesses, it has, unfortunately, become a breeding ground for misinformation and disinformation," matud pa sa Pangulo.

“Like everyone here, we, too, recognize as a matter of principle that fake news should have no place in modern society," dugang pa sa Pangulo.

Niini, si Marcos miingon nga ang iyang administrasyon komitado sa pag-institutionalize sa akses sa impormasyon sa tanang lebel ug dominyo sa gobyerno, lakip na ang pagpasa sa FOI Law.

Gipasabot niini nga ang Philippine Development Plan alang sa 2023-2028 naglakip sa pasalig nga i-localize ang atong akses sa information mechanism samtang nagpursige sa legislative initiatives sa paghimo sa balaod sa Freedom of Information.

Gipasalig ni Marcos nga makasiguro ang katawhan sa padayong pagpatuman sa FOI program sa Executive Branch, pinaagi sa Presidential Communications Office (PCO).

Si kanhi Presidente Rodrigo Duterte nipagawas sa Executive Order (EO) No. 2 niadtong 2016, nga nagtukod sa unang FOI program sa nasod.

Ang EO nag-require sa tanang buhatan sa gobyerno ubos sa Executive Branch nga ibutyag ang mga rekord sa publiko ug bisan unsang impormasyon nga gipangayo sa publiko, gawas sa mga butang nga makaapekto sa nasudnong seguridad ug uban pang impormasyon nga naa sa imbentaryo sa mga eksepsiyon nga gihimo sa executive secretary.

Sa iyang mensahe, si Presidente Marcos miingon nga ang FOI Program migamit sa magamit nga teknolohiya ug ang digital nga plataporma sa pag-implementar sa mga proyekto ug kalihokan ug nagsilbi nga sukaranan sa kampanya sa iyang administrasyon batok sa bakak nga impormasyon. (ECB/PIA7-Bohol)