Ang MINBIZCON ay isang taunang pagtitipon na inoorganisa ng Philippine Chamber of Commerce and Industry (PCCI) na naglalayong lumikha ng isang lugar para sa mga talakayang pang negosyo at magbigay ng mga oportunidad sa ikalalago ng ekonomiya.

Harnessing borderless business in Mindanao ay isa sa mga pangunahing layunin ng kumperensya ngayong taon. Ito ay magbibigay daan tungo sa mga makabagong inobasyon sa negosyo at naglalayong mapalago ang mga polisiya at programa para sa negosyo.

Pivoting business upang ganap na baguhin ang mga pamamaraan ng pagtawid ng negosyo kung saan ang mga tradisyonal na sistema o pamamaraan ay hindi na naglalabas ng ninanais na resulta. Ngayong taon, ang kumperensya ay tatalakay sa anim na importanteng mga sektor gaya ng mga sumusunod: enerhiya, impormasyon at komunikasyong pangteknolohiya, transportasyon, turismo, agri-aqua, at good governance.

Ang naturang kumperensya ay magbibigay din ng lugar para sa magaganap na trade fair exhibit, na naglalayong ipakita ang mga natatanging produkto ng Mindanao. Sa pamamagitan ng trade fair exhibit, magkakaroon din ng pagkakataon na mapalawak ang pamumuhunan sa buong Mindanao at maging sa buong bansa.

Samantala, hinihikayat ni Ginang Lu ang lahat, hindi lamang ang mga malalaking negosyo kundi pati na rin ang mga mula sa micro, small and medium enterprises (MSMEs) na samantalahin ang pagkakataong makibahagi sa napakamahalagang pagtitipon na ito sa Mindanao.

Ang mga interesadong indibidwal na gustong lumahok sa kumperensya ay kinakailangang magbayad ng registration fee. Ang regular rate ay PHP3,500.00, samantalang PHP2,500.00 para sa mga miyembro ng PZCCFI at PHP2,000.00 para sa mga interesadong estudyante. Kasama na sa bayad ang conference kit, pagkain, at meryenda para sa pagtitipon.

And nasabing pagtitipon ay gaganapin sa City Commercial Center (C3) mall ngayong Agosto 23-25 taong kasalukuyan. (RVC/SBM/PIA9-Zamboanga del Sur)