TAGBILARAN CITY, Bohol, Aug. 30 (PIA) -- Ang National Disaster Risk Reduction and Management Council (NDRRMC), pinaagi sa Office of Civil Defense (OCD), nanawagan na usab sa publiko sa pag-apil sa ikatulong kwarter sa Nationwide Simultaneous Earthquake Drill (NSED).

Sa Facebook post, ang OCD nagkanayon nga ang earthquake drill ipahigayon gikan sa alas dos sa hapon sa Setyembre 7, 2023.

Giawhag ang mga partisipante sa paghimo sa "duck, cover and hold" sa Miyerkoles sa hapon.

Gipahibalo usab sa OCD nga ang ceremonial pressing of the button ug ang simulation exercise ipahigayon sa syudad sa Tagbilaran.

Ang Top of Form earthquake drill maoy usa sa mga inisyatiba sa NDRRMC aron maandam ang publiko sa linog.

Ang matag lokal nga kagamhanan tagsa-tagsa nga mohimo sa ilang mga kalihokan nga may kalabotan sa drill ug bisan ang ubang ahensya sa gobyerno moapil usab.

Giawhag ang publiko nga ipadayon ang pagsuporta sa mga programa sa gobyerno aron mapausbaw ang ilang kahibalo ug pagpangandam sa katalagman. (ECB/PIA7-Bohol)