TAGBILARAN CITY, Bohol, October 11 (PIA) -- Deklarado na sa Malakanyang ang Octubre 30, 2023 isip special non-working day sa tibuok Pilipinas.
Pinaagi sa Proclamation No 359, nga giladgaan ni Presidente Ferdinand Marcos Oktubre 9, 2023 ang proklamasyon sa holiday nga magpataas usab sa katapausan nga weekend.
Kini sanglit niini nga petsa natunong ang Barangay ug Sangguniang Kabataan Elections (BSKE) ug nakit-an sa Presidente ang panginahanglan nga ang tanan nga tawo kahatagan sa katungod ug opurtunidad sa pag-apil sa piniliay aron makapili sa ilang mga buon nga mangulo sa ilang mga tagsatagsa ka lugar.
Kahinumduman nga sa Macalintal vs Commission on Elections (G. R. No 263590, 263673 pinitsahan Junyo 27, 2023), mi hukom ang Korte Suprema nga ang BSKE ipahiluna sa katapusang semana sa Octubre 2023.
Sa labing bag-o nga kasayuran, wala na kini mapasibug pa.
Tungod niini, mipagawas og mandu si president Ferdinand Marcos Jr., aron ideklara na ang Oktubre 30, Lunes, nga espesyal nga adlaw nga walay trabaho sa tibuok nasud, tungod sa BSKE.
Sa Bohol, gilantaw sa mga trabahante nga ang tibuok semana mahimo na nga isipon nga long holiday dala sa Adlaw sa mga Santos ug Adlaw sa mga Kalag.
Moablik lamang ang mga taga Bohol sa Martes, ug Biernes, kay sa Nobyembre 4, holiday na usab sa Carlos P. Garcia Day. (RAHC/PIA7 Bohol)
