Ang Likhang Antiqueño Fair ginapartisiparan kang 26 tanan ka MSMEs nga ginalakipan kang Patadyong Apparel, AL BIN Souvenirs, Francia Handicrafts, Two M's Pasalubong, Plaira's Bakeshop kag iban pa.

Sa opening program kang nagligad nga semana, ginpasalamatan ni DTI Antique Supervising Trade and Industry Development Specialist Lynna Joy Cardinal ang tanan nga stakeholders sa padayon nga promosyon kang mga produkto kang probinsya.

Ana man ginapangabay sa mga konsumidor nga suportahan guid ang kampanya nga “Go Local, Buy Local” pamaagi sa pagbakal kang mga produkto nga obra-Antiqueño.

Suno kay Rhoda Pon-an halin sa opisina 

Ginpasalamatan man ni Dela Rama si anay Antique Congresswoman kag kadya Senador Loren Legarda sa tanan nga suporta, kapin pa sa pagpangita pamaagi para padayun nga maka-negosyo ang mga magagmay nga negosyante pareho kana.

Ang Likhang Antiqueño Fair ang gina-patigayon kang Gobyerno Probinsyal kang Antique paagi sa Office of the Provincial Agriculturist (OPA), mga opisina nanday Senate President Pro-Tempore Loren Legarda kag Antique Lone District Representative AA Legarda, Department of Trade and Industry (DTI), kag KAMI Antique ukon KMME (Kapatid Mentor Micro Entrepreneurs) Association of Mentors/Mentees in Antique. (AAL/SQ/SNA/BPS/PIA Antique)