MOGPOG, Marinduque (PIA) -- Muling isinagawa ang Kiddie Junior Fire Marshal Youth Camp sa Mogpog Central School na nilahukan ng mga mag-aaral mula sa ika-apat hanggang ika-anim na baitang kung saan ay umabot sa 45 ang nakilahok.
"Nadagdagan na naman ang bilang ng ating mga Kiddie Junior Fire Marshal (KJFM) na tatayong mga Little Fire Safety Ambassadors sa kanilang mga tahanan at paaralan," pahayag ni Fire Officer II Abemar Linga, chief ng Public Information Service (PIS)-Bureau of Fire Protection (BFP)-Marinduque.
Ang naturang youth camp ay dinaluhan ni Mayor Augusto Leo Livelo kasama ang mga opisyales ng Department of Education (DepEd)-Mogpog upang masaksihan ang isinagawang programa ng mga bumberong Marinduqueño ngayong taon, matapos matigil dulot ng pandemya.
