TORRIJOS, Marinduque (PIA) -- Pormal nang ipinagkaloob ang bagong gawang evacuation center sa Pamahalaang Barangay ng Bonliw kamakailan.

Ang pagpapasinaya ay dinaluhan ni Congressman Lord Allan Jay Velasco na siyang gumawa ng paraan upang maipatayo ang nasabing multi-purpose building.

Ayon kay Velasco, malaki ang maitutulong ng gusali para sa mga residente ng barangay lalo na kung may mga kalamidad tulad ng bagyo at baha sapagkat ito ang magsisilbi nilang kanlungan.

Nagkakahalaga nang humigit Php 6.7 milyon ang pondong inilaan dito ng gobyerno sa ilalim ng General Appropriations Act of 2022.

Samantala, namahagi rin ang kongresista ng pamaskong handog sa mga mamamayan katuwang ang Pusong Pinoy Partylist. (RAMJR/PIA-MIMAROPA)