TAGBILARAN CITY, Bohol, March 16 (PIA) -- Maghatag ang Civil Service Commission (CSC) ug Philippine Association of State Universities and Colleges (PASUC) og scholarship alang sa mga sakop sa pamilya sa civilian public officials ug mga empleyado nga namatay sa katungdanan.
Kini human nagkasabut ang mga ahensya sa paghatag sa scholarship niadtong Huwebes.
Ang scholarship program ilhon nga Pamanang Lingkod – Bayan Iskolarsyip (PLBi) ug magtumong pagpasidungog sa mga alagad sibil ug mga sundalo nga namatay nga nagbilin og mga gibuhi nga magtungha pa.
Ubos sa PLBi, ang scholarship mahatag sa kapikas ug sa mga lehitimo ug dili lehitimo nga mga anak sa namatay nga opisyal sa publiko o empleyado .
Kung single ang status sa miyembro, mahimo niining ihatag ang scholarship sa usa ka pag–umangkon nga maoy makadawat sa suporta gikan sa namatay nga opisyal or empleyado. (Jereza Sansan, PIA Bohol student intern)
Alang sa nga nahibilin nga mga anak o kadugo sa mga empleyado sa sibil nga kagamhanan nga mamatay sa katungdanan, dili sila biyaan sa kagamhanan. (PIAB ohol)
