TAGBILARAN CITY, Bohol, July 18 (PIA) -- Gilagdaan na ni Presidente Ferdinand R. Marcos Jr. niadtong Martes ang Maharlika Investment Fund (MIF) Act of 2023 sa Palasyo sa Malacañang, sa ingon nagbutang sa labing una nga sovereign wealth fund sa Pilipinas nga mosuporta sa mga tumong sa ekonomiya sa Administrasyon.
“The MIF is a bold step towards our country’s meaningful economic transformation (Ang MIF usa ka maisugon nga lakang padulong sa makahuloganon nga pagbag-o sa ekonomiya sa atong nasud)," ingon ni Presidente Marcos atol sa seremonya sa paglagda.
Sa paglagda sa Republic Act (RA) No. 11954 nga mahimong balaod, ang nasud adunay kapasidad ug kapabilidad nga mamuhunan sa tanan niining hilabihan ka importante nga mga proyekto sama sa agrikultura, imprastraktura, digitalization ingon man pagpalig-on sa value chain.
Ang mga institusyon sa panalapi sa gobyerno magtipon na karon sa mga kahinguhaan sa panalapi nga wala’y utang aron dili mabug-atan ang ubang mga obligasyon sa pagpahulam nga kinahanglan nila nga tumanon sa ilawom sa ilang mga mando.
Dugang pa, ang pondo adunay potensyal nga mag-funnel sa external financing, nga makunhoran ang palas-anon sa gobyerno sa paggasto sa imprastraktura pinaagi sa paghulam ug buhis.
Gipasalig sa Pangulo sa publiko nga ang pundo dumalahon sa mga highly competent personnel nga adunay maayong track record ug outstanding integrity.
Human sa MIF Act signing, ang Administrasyon gikatakdang mag-andam sa implementing rules and regulations (IRR) alang sa pagmugna sa Maharlika Investments Corp. (MIC), nga mao ang bugtong sakyanan sa pagpalihok ug paggamit sa MIF alang sa mga pamuhonan.
Ang MIC gilauman nga adunay labing menos P75 bilyon nga bayad nga kapital karong tuiga, diin adunay P50 bilyon gikan sa Land Bank of the Philippines (LBP) ug P25 bilyon gikan sa Development Bank of the Philippines (DBP).
Ang pondo ipuhonan sa usa ka halapad nga mga kabtangan, lakip ang mga langyaw nga kwarta, mga instrumento nga fixed-income, domestic ug foreign corporate bonds, joint ventures, mergers and acquisitions, real estate ug high-impact nga mga proyekto sa imprastraktura, ug mga proyekto nga may kalabutan sa malungtarong kalamboan. (ECB/PIA7-Bohol)
