MANILA, Aug. 25 (PIA) -- Tulo ka bag-ong balaod ang gi-aprobahan ni Presidente Ferdinand "Bongbong" R. Marcos Jr.

Unang gi-aprobahan ni Presidente Marcos ang Republic Act 11958 o "An Act Rationalizing the Disability Pension of Veterans."

Ubos sa bag-ong balaod, motaas ang pensiyon sa mga beterano nga nabaldado sa linya sa katungdanan.

Gi-aprobahan usab ni Presidente Marcos ang Republic Act No. 11960 o 'An Act Institutionalizing the One Town, One Product (OTOP) Philippines Program, Appropriating Funds Therefor, and for Other Purposes,' o nailhan nga OTOP Philippines Act.

Kining balaod nagtumong sa pagpalambo sa usa ka self-reliant ug independente nga nasudnong ekonomiya nga epektibong gikontrolar sa mga Pilipino pinaagi sa mga polisiya ug mga programa nga nagduso sa inklusibo nga lokal nga kalihokan sa ekonomiya ug pagpausbaw sa nasudnong paglambo sa ekonomiya.

Tumong usab niini nga mahatagan og igo ug epektibong suporta nga serbisyo alang sa mga lokal nga micro, small and medium enterprises (MSMEs) nga gipangulohan sa Department of Trade and Industry (DTI) uban sa pakigtambayayong sa nagkalain-laing ahensya sama sa Cooperative Development Authority (CDA) ug Department sa Agrikultura (DA).

Ikatulo nga gi-aprobahan sa Presidente ang Republic Act No. 11961 o 'An Act Strengthening the Conservation and Protection of Philippine Cultural Heritage Through Cultural Mapping and Enhanced Cultural Heritage Education Program, nga nag-amendar sa Katuyoan sa Republic Act No. 10066, Nailhan nga "National Cultural Heritage Act of 2009."

Gilagdaan ni Executive Secretary Lucas Bersamin ang transmittal letter nga nagpahibalo sa duha ka Balay sa Kongreso nga giaprobahan ni Presidente Marcos ang tulo ka bag-ong balaod. (ECB/PIA7-Bohol)