SAN JOSE, Antique (PIA) -- Ang Probinsya kang Antique nagaselebrar kang ika-34 nga tuig kang National Statistics Month (NSM) paagi sa nasari-sari nga aktibidades.

Suno kay Provincial Planning and Development Coordinator Juliana O. Cepe sa sangka meeting kang Provincial Statistical Coordinating Committee (PSCC), importante gid ang paggamit kang husto nga statistics para sa kauswagan kang probinsya.

Ang dya nga selebrasyon gin-umpisahan paagi sa sangka programa kang Oktubre 2 sa ti-on kang flag raising ceremony kang mga empleyado kang gobyerno kag pagbukas kang Statistical Exhibit sa Old Capitol Lobby nga magatinir hasta sa katapusan kang bulan.

Ang pagbukas kang Statistical Exhibit ginpangunahan ni vice governor Edgar Denosta, Provincial Statistics Officer Randy Tacogdoy, kag Assistant Provincial Planning and Development Coordinator Bien Nallos kaimaw ang mga miyembro kang PSCC.

Si Tacogdog nagpa-athag man ka importansya kang statistics sa pagdihon kang husto nga programa kag proyekto kang gobyerno suno sa kinahanglanon kang katawhan.

sa secondary kag college levels, online contest para sa poster-making para sa estudyante kag government agencies, statistical infographics para sa Local Civil Registrars, kag radio program kaimaw ang Philippine Information Agency kag Provincial Information Office.

Ang pagselebrar kang NSM ginapatuman suno sa Presidential Proclamation No. 647, kung sa diin gindeklarar ang bulan ka Oktubre bilang tuigan nga selebrasyon kang National Statistics Month.

Ang tema kang selebrasyon kadya nga tuig amo ang "Accelerating Progress: Promoting Data and Statistics for Healthy Philippines.” (AGP/PSM/PIA Antique with reports from GIP Interns)