MANILA, October 9 (PIA) -- Nanawagan ang Presidential Communications Office (PCO), pinangulohan ni Kalihim Cheloy Velicaria-Garafil, sa tanang mga tinun-an sa kolehiyo sa pagsalmot sa essay writing contest nga nakaangkla sa “Bagong Pilipinas” nga kampanya sa administrasyon.
Sa Facebook post, ang PCO nagkanayon nga ang essay writing contest kabahin sa Communications Month Celebration subay sa Proclamation No. 308 ni Presidente Ferdinand R. Marcos Jr., nga gi-isyu niadtong Agosto ning tuiga, nga nagdeklarar sa Oktubre isip Communications Month.
Ang mga enrolled nga estudyante sa kolehiyo nga gustong moapil sa essay writing contest kinahanglang mosumitir sa ilang tagsa-tagsa ka entries nga dili molapas sa alas 5:00 sa hapon. sa Nobyembre 20.
Ang tanang entri kinahanglan isulat sa English ug kinahanglang dili molapas sa 1,500 ka pulong gamit ang Times New Roman font style, size 12 font size, ug single-spacing.
Matud pa sa PCO nga “Bagong Pilipinas” ang tema.
Ang entry mahimong motandog sa: 1) mga pangandoy sa mga kabatan-onan nga Pilipino alang sa usa ka Bagong Pilipinas, o (2) ang makapadasig nga espiritu nga makahimo niining call-to-action nga katumanan, taliwala sa daghang uban pang mga asoy nga gustong ipaabot sa tagsulat.
Ang PCO nagkanayon nga ang mga essay kinahanglang isumite sa PDF format pinaagi sa milc@pco.gov.ph nga adunay subject format: BPESSAYWRITING ENTRY – TITLE OF ESSAY samtang ang lawas sa e-mail kinahanglang maglakip sa: mga ngalan sa mga partisipante; lebel sa tuig; eskwelahan; munisipyo, probinsya nga rehiyon; essay writing entry text; ug essay writing entry file attachment.
Ang mga kriterya sa paghukom mahimong ma-akses sa opisyal nga Facebook page sa PCO.
Tulo ka regional winners ang makadawat og P10,000 alang sa 3rd placer; P30,000 alang sa 2nd placer; ug P50,000 alang sa 1st placer; samtang lima ka mananaog alang sa national level makadawat og P10,000 alang sa 5th placer; P30,000 alang sa ika-upat; P50,000 alang sa ika-3; P75,000 alang sa 2nd; ug P100,000 alang sa first placer. (ECB/PIA7-Bohol)
