Ayon kay Police Captain Tristan John Zambale, ang hepe ng naturang istasyon, naging katuwang nila ang mga tauhan ng PNP Maritime Group, police trainees at mga aktibong miyembro ng Advocacy Group na Samahang Ilocano.
Aniya, labis ang kasiyahan at pasasalamat ng mga residente sa kapulisan sa pagbibigay ng kalinga at malasakit sa kanilang barangay at pagbibigay ng libreng pagkain.
Dagdag nito na ang mga aktibidad na kanilang isinasagawa ay hindi lamang upang makapagbigay ng tulong ngunit mas layunin nito na mapagtibay ang ugnayan ng PNP sa mga mamamayan na kanilang nasasakupan.
“Isa rin itong paraan para mas maipakita sa mamamayan na kaisa nila ang pulis at sa anumang oras ay maaasahan nila kami,” sinabi pa ni Zambale. (MDCT/PIA Cagayan)
